Så er boka om mor til Olav Sletto, «Anne J Sletto – eit kvinneportrett», sleppt.  Dei meir enn 60 frammøtte, blant dei 11 av Annes etterkomarar, fylte det vakre biblioteket på Holms hotell.

Bokomslagets designar, Anne Karene Sletto, kom eins ærend heilt frå USA, for å vera med. Programmet var velspekka, med felelåt, sang, taler og helsingar.  Og jammen kom ikkje Olav sjølv innom.  Han førde mor si «til setes på fyrste benken», som han gjorde det for akkurat 100 år sidan, då Holms hotell var arbeidsplassen til mor hans.  Ho var vaskekone her i meir enn 30 år.  Evalill Sletto, Annes oldebarn,  gjekk inn i rolla som mor Anne, og medforfattar i boka, Jørn Øyrehagen Sunde, spela sonen Olav, i den vesle dramatiseringa av hendinga frå 1915.

Deretter kasta Jørn Øyrehagen Sunde jakka, og held eit forrykande foredrag på 25 minutt, utan manus.  Temaet var Olav Sletto som lausunge og barnedrap i norsk rettshistorie.  Eit skrekkeleg kapittel i vår rettshistorie, og berre toppen av isfjellet kom til retten.  Dette er eit tema Olav Sletto ikkje berører i sjølvbiografien sin, bøkene om Olver i  5-6 bind.  Skal tru om han ikkje likevel sat i sin himmel og applauderte dramatiseringa av denne hendinga i livet sitt, og den tala Jørn Øyrehagen Sunde framførte.  Han hadde sans for kvalitet, Olav Sletto, og og her var det snakk om stor talekunst. Biletmoinne i lenka under gir visuelle smakebitar frå lansering.
Biletminne lansering 7.2.15

Gro Odden, direktør ved Holms hotell, hadde lagt alt det praktiske vel tilrette for ei god oppleving for dei mange som trossa uvêret.

Fyldig referat kjem i årsheftet for Olav Sletto-selskapet 2015.

På bildet ser vi f.v.: Liss Anita Hefte, Bjarne Jostein Uren, Anne Karene Sletto, Bjørn Amund Øverseth med borna Molly (2,5), Bror (9) og Emma (12), Vera Karina Sletto, Tea Øverseth Sletto, Allan og Eva Cecilie Sletto.

Bilda er tatt av Britt-Mari Sletto.

Laurdag 7. februar 2015 kl. 13-15 på biblioteket, Holms hotell/Geilo, lanserer Olav Sletto-selskapet og Boksmia forlag boka om Anne Jensdotter Sletto, mor til Olav Sletto. Holms hotell var Annes arbeidsplass i meir enn 30 år. Men det var berre litt

av det ho dreiv med. I Vestfold utmerka ho seg som ei drivande dyktig fjøsbudeie, og ho visste å bruke dei moglegheitene som tidas stramme rammer ga kvinner. Eit interessant liv, ei spennande kvinne! Men både mor og son hadde sans for hemmelegheiter! Medlemmer og alle andre er hjartans velkomne til korte foredrag om dei to artiklane i boka, Eva Almhjells «Anne Sletto – eit kvinneportrett» og Jørn Øyrehagen Sunde sin artikkel om «Olav Sletto som lausunge og barnedrap i http://tadalafillevitra-pharmacy.net/ norsk rettshistorie». Fleire feler vil låte, og slektsgranskar Anne-Grethe Syvertsen fortel frå kjeldesøkinga til kvinneportrettet. Meir er det, men det er hemmeleg! Velkomne!

Olav Slettoselskapet ynskjer alle lesarar, medlemer og andre, ei gamaldags kvit og fredeleg jul og eit håp om meir godheit mellom menneska i det nye året – i Olav Slettos ånd. Selskapet legg bak seg eit år med mykje aktivitet og ser fram til neste

år med lansering av boka om Anne Jensdotter Sletto, gift Anna Olsen, som eit høgdepunkt 7. februar, og http://clomidgeneric-pharmacy.net/ årsmøte fredag 10. april, som er eit nytt og uvant tidspunkt, men som årsmøtet vedtok 21. juni 2014. Set av datoane!

I medlemsbrev nr. 3/2014 oppsummerer vi siste halvåret og ser på planane for fyrste halvår 2015.

Medlemsbrev nr 3 2014

Bildet: Sletto tatt av Hans-Petter Hvile.

Dølaminne 2014 inneheld mykje spennande historie frå heile Hallingdal. Frå Hol er det med to fortellingar med kvinner i hovudrollene – truleg for fyrste gong? I 1858 vart Åse Søndrål stilt for retten fordi ho var gravid med ein annan enn den som ville gifte sg med henne. Slikt vart det bråk av, og det sjølv om paret gjerne ville til alters og foreldra på båe sider godkjente ordninga.

Den andre kvinnehistoria frå Hol er ein smakebit av fortellinga om tenestjenta Anne Jensdotter Sletto, mor til to ungar utanfor ekteskap. Den eine var Olav Sletto. Heile fortellinga kjem som eigen bok utpå nyåret. Dette er viktige bidrag som er med å vise heile breidda i både den lokale og nasjonale historia.

Dølaminne 2014 vart lansert på Nes laurdag 15. november 2014. Styremedlem i Olav Sletto-selskapet, Maria Søndrål, var der og snakka om desse to artiklane. Det var mange frammøtte,

og stor interesse for boka.

Bilde viser Maria Søndrål under lanseringa av Dølaminne på Nes 15.11.2014.
Foto: Jan Robert Wick

Oldebarnet til Anne J. Sletto, gift Anna Olsen, heiter Anne Sletto. Ho er busett i USA, men var ein tur heimom gamlelandet i september. Ho er grafisk formgivar, og er

den som lagar omslaget til boka om oldemor si. Ho syns det er ei glede å få bidra til boka på denne måten. Både ho og systera, Vera Karina Sletto, har mange gode minner frå besøk hjå Olav og Karin Sletto då dei budde på aldersheimen på Geilo. Dei tok Olav med til stølen i Havsdalen, der Jenny Uren, Olavs halvsyster var budeie, og dei budde i Veslestugu, sidebygningen til Villa Lunde så lenge husa var i familiens eige. Boka om Anne Jensdotter Sletto kjem i begynnelsen av 2015. Bildet viser Anne Sletto t.h.

og systera Vera Karina Sletto i Oslo 24. september 2014.

Foto: Eva Almhjell

Erling Rimehaug, mangeårig redaktør i Vårt Land og spaltist i Hallingdølen, held foredrag om temaet «Naturtru og gudstru – parallelle truer i norsk trusutvikling?» i Geilo kulturkyrkje 11. september 2014. Omkring 35-40 frammøtte fekk høyre ei personleg fortelling om foredragshaldaren sitt forhold til natur og gudstru. For han var det

to sider av same sak. Han stilte seg spørsmålet om kva det var med fjellet som gjorde opphald der så godt. Han viste til at fjellet inngir ærefrykt, og det byr på stillheit, ro og utsyn. Hallingskarvet står i ei serstilling blant fjella. For mange er det der dei store avgjerdslene i livet blir tatt, sa Rimehaug, og viste til m.a. Jonar Gahr Støre, som er ein av mange som kjenner seg knytt til Hallingskravet. Den mest kjente i så måte er Arne Næss. For han er Hallingskarvet «Det gode lange livs far». For Erling Rimehaug sjølv var synet av Hallingskarvet som å kjenne at han kom heim, ein heim der naturen er tett forbunden med hans personlege gudstru. Hallingskarvet betydde også svært mykje for forfattaren Olav Sletto. Foredraget vart avrunda med drøfting av spørsmål frå salen. Ingunn Stræte Lie sto for dei kunstnarlege innslaga på toraderen sin, som heldigvis har vorte stugureint instrument, også i kyrkja. Rimehaugs foredrag kjem som artikkel i Olav Sletto-selskapets årshefte 2015.

Foto: Eva Almhjell

Eva Cecilie Sletto og Eva Almhjell frå Olav Sletto-selskapet vart tekne godt i mot av dei nye eigarane av Vesleheimen i Asker då dei var på besøk der, 15. juli 2014. Det er kultursjefen i Asker kommune, Trine Bendixen, som no har Vesleheimen. Denne fyrste heimen

til Karin og Olav Sletto var monaleg utvida, men «tjørni!», som Olav Sletto skriv om, låg der som før. Tomta fekk dei i 1912 av Karins bror, skipsreiar Gottfred Mauritz Bryde. Fem år budde Olav og Karin i

Vesleheimen. Her fekk Karin dei tre fyrste ungane (1912-1915), og hit var det Olav lengta heim frå sine talrike talereiser landet rundt. Ikkje rart han gjorde det, for her var dei han elska, og Vesleheimen var – og er – ein idyll på Vollen i Asker.
Dei besøkande takkar hjarteleg for møtet og omvisinga, som var spesiell for Eva Cecilie Sletto. Det var år sidan ho var der sist. Vedlagte biletmontasje gi nokre glimt av møtet og staden, slik den ser ut i 2014.

Vesleheimen 2014_Evalill og Eva på befaring 15.7.14

Foto: Eva Almhjell

Mimi Falsen har skrive ein artikkel i boka «Blant kunstnere i det gamle Asker» av Karl Nilsen, Asker og Bærum historielag, 1979.

No er endeleg innlesinga Arne Skogheim gjorde for nokre år sidan å få i bokhandelen på Ål og Geilo.  Arne Skogheim las inn bok nr. 2 i Per-serien på fire av Olav Sletto. Det er i alt 6 CD-ar pr. pakke, og det har i lengere tid vore etterspurdnad etter opplesingane.  No er det funne eit restopplag, til glede for alle som har spurt etter CD-ane.  Dei kostar kr. 250 pr. pakke.  Løp og kjøp!

Foto: Privat

Eit 30-tals frammøtte fekk høyre Eva Almhjell fortelja frå ei bok som kjem om m.a. Anna Olsen, mor til Olav Sletto og Jenny Uren, i Geilo kulturkyrkje, onsdag 18. juni.  Olav Sletto-selskapet sin leiar vart tatt godt imot då ho tilbaud seg å koma med ei forteljing om eit menneske som mange hugsar frå tida ho budde på Geilo.  Fleire minnest også at relasjonen mellom mor og son var av det ugreie slaget, og nokon lurer nok på kven som er far til Olav Sletto – både før og etter møtet.

Prest An-Magritt Granli ynskte velkomen, og det vart visst slik at både forteljaren og dei som høyrde på gløymde tida.  Anna Olsen, født Anne Jensdotter Sletto, budde på Geilo i 30-40 år, etter å ha vore tenestjente i Vestfold i 15-20 år fram til ein gong mellom 1901-1910.  Ho døydde i 1946, og er gravlagt ved sidan av sonen sin på den gamle kyrkjegarden på Geilo.  Vaskekone på Holms Hotel, mor til to, det dei i si tid kalla lausungar, og yrkesaktiv heile sitt liv, fenga hennar historie for visst folk frå fleire bygdelag i Hol og Ål.  Dette er ei til no ukjent lokal kvinnehistorie, og ikkje den einaste.  I Olav Sletto sitt liv og dikting fins mange interessante kvinneforteljingar som ikkje er fortalt – enno.  Ein vil kan hende forstå meir av Hallingdals store forfattar gjennom å fokusere på kvinnene i hans eige liv og dei han dikta.  Det vil Olav Sletto-selskapet arbeide vidare med, sa Eva Almhjell.

Inngangspenagane, kr. 100 pr. person, gjekk uavkorta til Olav Sletto-selskapet, og vi var velkomne til å selja boka, Per Gjetar, som kom i fjor.  Olav Sletto-selskapet takkar arrangøren for rausheit, og eit lydhøyrt og interessert publikum for spennande møte.

Foto: Lars Lilleslåtten